Прирачникот „Школа за мултикултурализам“ е приказ на тренинг програма, градена врз 11 - годишното искуство на Антико во активна работа во промоцијата на културата на мирот и ненасилството во мултиетничките заедници на Република Македонија. Тој истовремено преставува инкорпорирање и пренесување на знаења, искуства и добри пракси и на други мировни групи и организации во регионот. Прирачникот е подготвен да им послужи како дополнителен ресурс на сите оние поединци и групи кои сакаат да му се посветат граѓанскиот активизам и работата во полето на градењето на мирот и заедницата. Програмата за млади е базирана врз приципите и вредностите на човековите права, мултиетничноста, толеранцијата, солидарноста, прифакање на различностите, вмрежувањето, дијалогот, граѓанскиот активизам, волонтерството и други вредности кои ја карактеризираат метологијата на работа и делувањето кон кое се стреми Женска граѓанска иницијатива АНТИКО.

Овој прирачник дава сеопфатни информации и знаења за содржината на тренинг програмата – модулите, метологијатата на работа, работните материјали и др. Составен дел на прирачникот е и Практикумот – Активности во заедницата. Прирачникот „Школа за мултикултурализам“ (преземи) е печатен на македонски и албански јазик и е планирана активност во рамките на годишната програма на Антико за 2010-та година, поддржана од програмата CIVICA Mobilitas, имлементирана од Центарот за институционален развој - ЦИРа и финансиски поддржана од Швајцарската канцеларија за соработка во Македонија.