Меѓуетничките конфикти во земјата и регионот оставија длабоки траги во социјалните односи. Процесот на трансформација во демократско и граѓанско општество е многу сложен процес кој бара активно вклучување на групи и поединци кои промовираат вредности базирани на човекови права и култура на активно учество во изградбата на заедницата. Во оваа област од големо значење е активното делување на младите од мултиетничките заедници. Инициjативите на младите се од голема важност во намалувањето на социјалната сегрегација и етничките предрасуди кои се јавуваат како последица на негативни ставови кон тие кои се поразлични од нив. Ова всушност претставува и појдовна точка за конфликтите и дискриминацијата.
Прашањата околу иницирање и воспоставување на позитивни промени во однос на постоечките негативни етнички ставови – предрасуди и стереотипи, како и зголемувањето на етничката интеракција и граѓанскиот активизам се приоритетни области на делување на НВО мрежата на Женска граѓанска иницијатива Антико, која 11 години активно дава придонес во изградбата на мирот и мултиетничките односи во локалните заедници на Република Македонија.
Програмата „Школа за мултикултурализам, граѓански активизам и демократија“ е одговор на потребата за зајакнување на капацитетите за изградбата на мирот во заедницата, простор за слободен развој на поединци и групи втемелен на соработка и поврзување. МИР, НЕНАСИЛСТВО, АКТИВИЗАМ, ЗАЈАКНУВАЊЕ, ЗАЕДНИЦА, ПОВРЗУВАЊЕ се основите поими на програмата за создавање на трајна рефлексија за приципите и пристапите кои го означуваат дијалогот и делувањето.
Јакнењето на млaдите се однесува на активен однос кон општествените збиднувања, преземање на одговорност кон личен развој и развој на заедницата преку поставување на одржлива мултиетничка структура како што се волонтерски групи, младински клубови, здружение на граѓани и сл.
Главни инструменти за зајакнување кои ги користиме во работата со младите е искуственото учење, менторската поддршка, меѓусебното поврзување и активно делување во заедницата преку иницирање и спроведување на јавни акции од страна на целната група (од мултиетнички состав).
СОДРЖИНА НА ПРОГРАМАТА „ШКОЛА ЗА МУЛТИКУЛТУРАЛИЗАМ, ГРАЃАНСКИ АКТИВИЗАМ И ДЕМОКРАТИЈА“
Програмата е составена од три фази:
Фаза I - Креирање на услови за превенција на насилството во мултиетничките средини – Создавање на простор за меѓуетничка комуникација на млади од повеќе етнички групи.
Активности: работилници, семинари и обуки на табу теми од меѓуетничките односи, трансформација на конфликти и ненасилна комуникација, родови прашања.
Фаза II – Поставување на темели за мировно делување. Зголемување на мотивацијата знаењата и основните вештини за самоорганизирање и делување во заедницата (ТОТ, семинари, форуми јавни дебати, конференции, мултиплицирање на знаењата – PEER едукација, практикум во заедницата – менторска поддршка, иницирање и спроведување на јавни акции од страна на целната група).
Фаза III – Создавање сигурни простори за младинска меѓуетничка соработка од страна од целните групи (основање насекции, мултиетнички клубови на млади, здруженија на граѓани и други адекватни форми на младинско организирање делување во заедницата).
|
.jpg){kind=logo}
.jpg){kind=logo}
.jpg)
.png)
.jpg)
.jpg)
.jpg){kind=logo}
.bmp)
.png)
.jpg)
.gif)
.gif)
