Во руралните средини на општина Дебар, а особено во селата Могорче и Броштица постои феномен на рано заречување кој е многу сериозен и комплексен, со што се загрозуваат основните човекови права особено на женските деца уште во нивната рана возраст од страна нивните родители. Имено, прераното ветување и склучување на договорни бракови помеѓу женските и машките деца од страна на нивните родители е сериозна пречка во остварување на нивното право за образование односно успешно завршување на средното образование и понатамошните амбиции во животот. Со цел да се стави поголем акцент на овој многу дискриминирачки феномен, да се заштитат младите од оваа појава која има негативни последици во нивниот развој и понатамошен живот, целната група заедно со локалните тимови на Антико, спроведоа локална акција со континуирани активности, кои дадоа придонес да се делува паралелно во подигнувањето на јавната свест како кај младите девојки и момчиња, така и кај нивните родители и севкупната јавност. Под насловот „Договорени бракови на малолетни девојки – реална пречка за остварување на човековите права и родовата рамноправност“ беа организирани и спроведени 3 едукативни работилници и 2 трибини со вкупно 151 учесник.

 

Преку спроведената едукација партиципантите дојдоа до заклучок дека оваа  појава особено е штетна и ги прекршува правата на девојките, бидејки тоа е и  пречка и не дава можност да го продолжат своето образование, да добијат поголема самодоверба и економска независност. Тие немаат право да донесуваат одлуки во согласност со сопствената волја и афинитети, немаат право на нивниот избор за нивниот брачен партнер и ограничени се уште од најрана возраст на сомостојно донесува на одлуки за нивото тело и живот.

 

За поголема сеопфатност на едуцирањето, во рамки на оваа локална акција, печатени се 1000 лифлети во кои информациите за овој актуелен проблем се однесуваат не само на девојчињата, туку и на момчињата и нивните родители.  

Втората реализирана локална акција во општина Дебар со наслов „Едукацијата за репродуктивно здравје, предуслов за квалитетен живот и здраво семејство“ го опфати недоволното познавање, непостоењето на свеста за заштита на репродуктивното здравје и потребата од одговорно сексуално однесување на мажите и жените.