Во локалните заедници Тетово, Гостивар, Велес, Штип и Охрид се реализираа 5 јавни дебати на тема:“Креирање на локални политики за унапредување на положбата на жената”. На дебатите учествуваа вкупно 105 учесници од релевантни структури и засегнати страни кои се директно одговорни за решавањето на постоечките проблеми и потреби на одредени категории на маргинализирани лица.Модераторите/ките и фацилитаторките на дебатата беа од редовите на локалните тимови на Антико.Овие дебати обезбедија простор за интеракција и меѓусебен дијалог, размена на информации помеѓу локалната и националната власт како и локалните невладини организации и други засегнати страни како заедно да ги мапираат проблемите, потребите и предизвиците. На овие дебати дојдовме до драгоцени сознанија во идентификувањето на корените на проблемите, особено во областа на постоењето на патријархалните вредности, постоечките стереотипи и предрасуди во системот за образование и нивното директно влијание и поврзаност со појавата на родово условеното насилство во семејството и општеството