Во периодот од 02-05.10.2011 година во х. Терме во Сараево – Босна и Херцеговина, се одржа регионална работилница за мониторирање на јавни политики и буџети, изработка на буџети кои се родово ориентирани и правилна употреба на алатките за мониторинг. Работилницата беше организирана само за невладини организации од Р. Македонија и од Босна и Херцеговина. Од двете земји присуствуваа по 11 претставници од невладини/непрофитни организации. ЖГИ АНТИКО исто така испрати своја претставничка да го следи тренингот.

 

Работилницата беше поделени во неколку сесии и тоа три дена по три сесии кои што ги држеа предавачи од Македонија, Србија и Босна и Херцеговина.

 

Предавањата започнаа со вовед во концептот на работилницата и темите кои ќе бидат разработени, како и кои се очекувањата на учесниците од оваа работилница. Беа разработени темите за тоа што е родова еднаквост и зошто родовата еднаквост е битна за социо-економскиот развој на една земја, што е родово одговорно буџетирање и како се врши планирање и подготовка на буџетот, како и кои алатки се сè користат при родово буџетирање и при мониторинг на буџетите.

 

Покрај теоретската презентација на тоа што е значењето програмите, политиките и проектите (владини и невладини), кое е значењето на родово одговорното буџетирање, и како се одвива процесот на буџетирање, составен дел на обуката беше и практичната работа преку примери земени од Р. Македонија и Босна и Херцеговина.

 

Обуката придонесе за подобрување и зајакнување на капацитетите на членките на извршната канцеларија, но понатаму преку тренинзи и работилници и на целата мрежа на ЖГИ АНТИКО.