На 27.04.2011-та година на Државниот факултет – Тетово беше организирана првата дискусиона група со 19 студенти од овој факултет. Дискусијата ја фацилитираше експертката за родови прашања Афердита Хаџијаха Имери, и преставничката на Антико Ѓунер Небиу кои ги запознаа студентите со работата на Антико и ги воведоа во темата презентирајќи ги клучните национални и европски документи за родова рамноправност, а воедно даде и краток осврт на состојбата (вклучувајќи и статистички податоци) на родовите во одредени сектори во заедницата.

По нејзиното излагање студентите имаа простор да развијат широка дебата за: можностите за подобрување на законската регулатива; да направат споредба со европските процеси и практики; да разменат сопствени искуства; да дадат свои предлози и сугестии за надминување на слабостите. Општиот впечаток за настанот е дека кај студентите има голем потенцијал и добра волја за соработка на овие прашања, но потребна е нивна натамошна едукација, бидејќи немаат доволно познавање и разбирање за родовиот концепт, а тоа ја отежнува и нивната дискусија. Заедничките заклучоци и предлогот на Антико за отворање на родови студии како факултативни, во рамките на Универзитетот беше поздравен од присутните и оваа иницијатива останува понатаму да се разгледува на повисоки инстанци. да се поддржува од Антико( лобира и јавно застапува)