Втората јавна акција која беше имплементирана во рамкиет на проектот „жените Ромки тоа го можат“ беше имплементирана во месец мај 2012 година и ги вклучуваше следниве активности: - Работилница за охрабрување и мотивирање на жените да се вклучат во политичките процеси, која што се одржа на 28 мај во о. Шуто Оризари со 11 млади учеснички. Работилницата беше фацилитирана од страна на две учеснички на обуката „ Жените Ромки тоа го можат“ – Емина Шемо и Ребека Рамазан.

На работилницата беше истакнато дека жените треба да се обединат околу нивните заеднички интереси без разлика на партиската определеност, затоа што фактичката ситуација покажува дека жените Ромки се соочуваат со исти или слични проблеми и приоритети за кои треба да бараат заедничко решение. - Форум на тема "Учеството на жената Ромка во политиката" кој што се одржа на 30 мај во о. Шуто Оризари.

На форумот зедоа учество 10 претставнички на ромски политички партии кои разменија ставови и искуства околу во однос на зголемувањето на активизмот на членките на ПП и зајакнувањето на улогата на жените во структурите на одлучување. Се осврнаа и на потребата од формирање на женски активи /организации во рамките на партиите и нивното функционирање. Беше истакнато дека само во партијата ДСР е формирана ваква организација, и дека во останатите партии членките треба да се организираат со цел поефективно застапување на нивните права.