ВО СОЛИДАРНОСТ СО ОРГАНИЗАЦИИТЕ ЗА ЖЕНСКИ ПРАВА ОД ИРАК

Европската Феминистича Иницијатива (IFE – EFI) и MENA партнерите, покрај организациите за женски права од Ирак и регионот на Курдистан, работат заедно за застапување во Евро-Медитеранската политикча сцена за вредностите на еднаквоста помеѓу жените и мажите и барањето за признавање и спроведување на фундаменталните права на жените за целосно граѓанство. Тие развија заедничка акција основана на солидарност и за зајакнување на вредности на универзалност на правата на жените, ненасилство, антимилитаризам и сепарација на сите религии од законодавната и политичката сфера. Тие се обратија кон предизвиците со кои жените се соочуваат со религискиот екстремизам и конзервативните движења.

Ирак се соочува со сериозна опасност поради бранот на политички исламистички тероризам и религиски екстремизам кој се заканува на популацијата на целата земја и шири страв и трепет помеѓу цивилното население. После воената интервенција на САД, во Ирак се вгради поделба помеѓу заедниците, најмногу создадени од успешната „раздели па владеј“ стратегија, која се повеќе се влошува. Како и во сите вооружени конфликти, жените се првите жртви и најмногу се погодени од поселдиците на присутната трагедија; силување, сексуални тортури, проституција, робство се употребуваат за да се понижат и потчинат жените во целата заеднца.

IFE-EFI ја изразува својта солидарност со организациите за женски права во Ирак кои објавија повик за соработка на сите граѓани на Ирак, повик до сите политички сили и партии, до сите граѓански организации и медиуми:

- Да се спротивстават на амбиентот на опасност во земјата;

- Да се мобилизираат за да ги чуваат градовите во Ирак од непогодите на битките и воените конфронтации и Ирак од секташтво, верски фундаментализам, комунитарианисам и корупција.

- Да се мобилизираат за заштита на сигурноста и безбедноста на гражаните на Ирак, жени и мажи, од сите внатрешни и надворешни закани;

- Да обезбедат итна заштита на жените и девојчињата од сексуално насилство

IFE-EFI ќе дејствува со сите компоненти на демократското движење во цел да изврши притисок на европските влади и сите интернационални институционални актери за преземат итни политички и дипломатски чекори за да го сопрат овој конфликт и да дејствуваат за ненасилна транзиција во Ирак кон одржлив и праведен мир и кон демократија вградена од луѓето во Ирак кои сакаат слобода.

Европска Феминистичка Иницијатива IFE-EFI

22 Јуни 2014, Париз