На 04.12.2014 год. Женската граѓанска иницијатива АНТИКО, во соработка со студентите од Институтот за родови студии во Скопје, реализира работилница со студентите кои се сместени во ДСД „Томе Стефановски - Сениќ“ во Скопје, на тема: Корените на родовото и семејното насилство и мерките за превенција и заштита. На работилницата присуствуваа 27 студенти од повеќе градови во Република Македонија.

Работилницата беше дизајнирана на начин кој иницира интерактивност меѓу студентите така што тие беа активни учесници во целиот процес. Студентите дискутираа за тоа кои се најголемите причини за честата појава на некој од видовите на семејно и родово насилство и што е тоа што жената ја прави особено ранлива на овој вид на насилство. Во однос на мерките за заштита и превенција, студентите се обидоа да ги дефинираа нивните предности и недостатоци и да предложат алтернативи со кои би биле надминати недостатоците. Оваа работилница беше организирана во ракмките на меѓународната кампања „16 дена активизам против родовото и семејното насилство“, која ЖГИ АНТИКО ја поддржува секоја година.