На ден 04.06.2015, тимот на ЖГИ АНТИКО, реализира состанок со дел од советниците во Советот на Општина Кичево, Координаторката за еднакви можности на мажите и жените како и со други релевантни претставници на локалната самоуправа. На состанокот беше презентиран проектот „Економско јакнење на жени во две општини“ кој се имплементира од страна на АНТИКО со поддршка од Британската Амбасада, и беа разгледани можностите за соработка и за активно вклучување на ЕЛС Кичево во имплементацијата на проектот.

По дискусијата беше донесен заклучок дека е од исклучително голема важност успешната имплемнтација на овој проект за општина Кичево и дека неговата реализација ќе придонесе кон економско зајакнување на жените од општина Кичево и нивно активно вклучување на пазарот на трудот. Поддршката од ЕЛС Кичево беше официјализирана со потпишување на Меморандум за соработка со ЖГИ АНТИКО.